ឆេះទំនិញលើរថយន្តដឹកទំនិញ នៅស្រុកជីក្រែង
28-April-2020 | ដោយ ពលមនសិការ
សៀមរាប៖ កាលពីថ្ងៃចន្ទ ៦កើត ខែពិសាខ ឆ្នាំជូត ទោស័ក ព.ស២៥៦៣ ត្រូវនឹងថ្ងៃទី២៧ ខែមេសា ឆ្នាំ២០២០ នៅវេលាម៉ោង១៤នឹង៤៥នាទី មានករណីអគ្គិភ័យ ភ្លើងឆេះទំនិញលើរថយន្តដឹកទំនិញ ស្ថិតនៅលើផ្លូវជាតិលេខ៦ ស្ថិតនៅក្នុងភូមិថ្នល់តាសិត ឃុំគោកធ្លកក្រោម ស្រុកជីក្រែង ខេត្តសៀមរាប។
លោកឧត្តមសេនីយ៍ត្រី ភឹង សម្បត្តិ ស្នងការរងទទួលការិយាល័យនគរបាលបង្ការ ពន្លត់អគ្គិភ័យ និងសង្គ្រោះ បានឲ្យដឹងថាមានករណីអគ្គិភ័យឆាបឆេះទំនិញលើរថយន្តដឹកទំនិញដែលបណ្តាលមកពីការធ្វេសប្រហែសរបស់កម្មករបោះកន្ទុយបារីចោល។
អ្នកបើកបររថយន្តឈ្មោះ លាន សុខអ៊ូ ភេទប្រុស អាយុ២៤ឆ្នាំ ទីលំនៅភូមិស្ទឹងសែន សង្កាត់កំពង់ក្របៅ ក្រុងស្ទឹងសែន ខេត្តកំពង់ធំ (ម្ចាស់កម្មសិទ្ធិ ) និងឈ្មោះ ប៉ុល គឹមអេង ភេទស្រី អាយុ៣១ឆ្នាំ ទីលំនៅភូមិស្ទឹងសែន សង្កាត់កំពង់ក្របៅ ក្រុងស្ទឹងសែន ខេត្តកំពង់ធំ។
ក្រោយកើតហេតុ កម្លាំងនគរបាលនៃអធិការដ្ឋាននគរបាលស្រុកជីក្រែងបានអន្តរាគមន៍ពន្លត់ ដោយប្រើប្រាស់រថយន្តពន្លត់អគ្គិភ័យរបស់អធិការដ្ឋាននគរបាលស្រុកជីក្រែង ចំនួន ០១គ្រឿង ប្រើប្រាស់ទឹកអស់ចំនួន ៤រថយន្ត ទើបអាចគ្រប់គ្រងបាន ហើយភ្លើងបានរលត់ទៅវិញនៅវេលាម៉ោង ១៥នឹង៥០នាទី ថ្ងៃខែឆ្នាំដដែល។
ក្នុងហេតុការណ៍នេះបានបណ្ដាលឲ្យរងការខូចខាត៖អេតចាយមួយចំនួនធំ, ដបទឹកសុទ្ធធំចំនួន០២ដប, ស្រាបៀរ ចំនួន ៣កេស ៕
ចំនួនអ្នកទស្សនា
- ថ្ងៃនេះ4361
- ម្សិលមិញ4561
- សប្តាហ៍នេះ21961
- ខែនេះ15081
- ឆ្នាំនេះ351341
- សរុប19578787